ब्रिजवन । अष्ट्रेलियाको क्विन्सल्याण्ड राज्यमा रहेको नेपालीहरुको सबभन्दा जेठो संस्था यस ‘नेपाली एसोसिएसन अफ क्विन्सल्याण्ड (NAQ)’ ले गतबर्षहरुमा झै यसबर्ष पनि विजया दशमी विशेष कार्यक्रम यहि अक्टोबर ९ का दिन आयोजना गरेको छ । २००६ मा स्थापना भएको नेपालीहरुको पुरानो अनि सबैभन्दा जेठो संस्था ‘NAQ’ले गतबर्षहरुमा गर्दै आएको दशै विषेश कार्यक्रमलाई निरन्तरता दिँदै यसबर्ष पनि दशैं कार्यक्रम गर्ने भएको हो । संस्था गठन हुनु अघिका बर्षहरुमा ‘खसी म्याच’ फुटबल प्रतियोगिता हुँदै यस संस्थाको स्थापना भएको हो ।
हरेक नेपाली चार्डपर्वहरुमा विभिन्न कार्यक्रम आयोजना गर्दैआइरहेको ‘NAQ’ को नियमित कार्यक्रम ‘खसी म्याच’ यस बर्ष पनि दशै आकर्षक बन्ने भएको छ । कार्यक्रमलाई भव्य बनाउन क्विन्सल्याण्ड राज्य भित्रका विभिन्न फुटबल टिमले सहभागिता जनाउने छन । क्विन्सल्याण्ड राज्यमा रहेका नेपाली फुटबल क्लबहरु राईजिङ स्टार, गोर्खा एफसी, बिएनएफसी, एफवाइएफसी, सिम्रीक एफसी, र रातोसुर्य फुटबल क्लब लगायतले भाग लिँदैछन । ‘खसी म्याच’मा युवा र पाका उमेर समुह बिच भिडन्त हुने देखिन्छ ।
दशै तिहार शुभकामना आदानप्रदान कार्यक्रमसंगै कार्यक्रममा विभिन्न सांगीतिक कार्यक्रम तय भएको छ । यससंगै बच्चाहरुको फुटबल र दौडने कार्यक्रम हुनेछ । यस अवसरमा ‘क्रस कन्ट्री रन’ कार्यक्रमको समेत तय भएको छ ।
कार्यक्रम ब्रेन्डल स्थित ‘साउथ पाइन स्पोर्ट्स कम्लेक्स‘मा हुने छ । निशुल्क प्रवेशको व्यवस्था सहित निशुल्क चियापानको व्यवस्था हुनेछ । उल्लेख्य मात्रामा नेपाली समुदायको उपस्थिति रहने अनुमान गरिएको यस कार्यक्रममा नेपाली खाजा तथा खानेकुरा साना पसल समेत सञ्चालन हुनेछन ।